पोखरा, ०६ जेठ ।
पोखरा महानगरपालिकामा गठबन्धनको तर्फबाट नेकपा (एकीकृत समाजवादी)का उम्मेदवार धनराज आचार्यले अग्रता कायमै राख्नुभएको छ ।
६९ हजार ९ सय ६८ मतगणना हुँदा आचार्यले २८ हजार ५ सय ६३ मत प्राप्त गर्नुभएको छ । नेकपा (एमाले)का कृष्ण थापाले २५ हजार ३ सय ५७ मत ल्याउनुभएको छ ।आचार्य र थापाको मत अन्तर ३ हजार २ सय ६ पुगेको छ ।
राप्रपा शंकर खराल ३ हजार ६५ मत प्राप्त गर्दा लौरो चुनाव चिन्ह लिएका स्वतन्त्र उम्मेदवार खड्कराज पौडेल गनेशले १ हजार ८ सय २२ मत प्राप्त गर्नुभएको छ । उपमेयरमा एमालेकी उमेदवार मन्जु गुरुङले अग्रता लिनुभएको छ । उहाँले १ सय २० मतले कांग्रेसकी उमेदवार कोपिला रानाभाटलाई पछि पार्नुभएको छ ।
मन्जुले २९ हजार २० मत प्राप्त गर्दा कोपिलाले २८ हजार ९ सय मत प्राप्त गर्नुभएको छ । राप्रपाकी रन्जना सेनले २ लाख ८ सय ८० मत ल्याउनुभएको छ । ३३ वडा रहेको महानगरमा १५ वडाको मतगणना सकिँदा काग्रेसले ११ र एमाले ४ वडामा विजयी भएका छन् ।
प्रतिक्रिया लेख्नुहोस्:-