पोखरा, २४ वैशाख ।
यहि बैशाख ३० गते हुने स्थानिय तहको निर्वाचनका लागि पोखरा महानगर पािलका वडा ६ बैदाममा गठबन्धनले उम्मेदबार सहित घरदैलो आज सम्पन्न गरेको छ । शनिबार वडाका बगैचा, दरबार मार्ग, श्रीकृष्ण चोक, स्कुलपाटनमा , बाराहि पथ र किमबारीमा घरदैलो सहित गठबन्धनले घरदैलो कार्यक्रम ओपचारिकरुपमा समापन गरेको नेपाली काग्रेस वडा इकाई समितिका सचिब प्रकाश न्यौपाने जानकारी दिएका छन ।
घरदैलोका क्रममा वडाध्यक्षका उम्मेदवार जगतबहादुर पहारीले स्थानीयबासीको मागलाई पूरा गर्ने प्रतिबद्धता जनाउनुभएको छ । घरदैलोका क्रममा गठबन्धनका उम्मेदवारसमक्ष स्थानीयबासीले बैदामलाई पोखरा महानगर पालिकाको नमुना वडा बनाउन प्रतिबद्धता व्यक्त गर्न माग गरेका छन् । त्यसैगरी, सडक कालोपत्रे र ढलान गर्ने र फेवा ताललाई अतिक्रमण सहित प्रदूषण हुनबाट जोगाउन र हराभरा बैदाम बनाउने योजना ल्याउन माग गरेका छन् ।
यस अघि गठबन्धनले वडाका नं—६का बंलादि, डिहिको पटन, बुलौदी बसन्त ब्रैठक, जरेबार, ठाडापसल,गैरिखेत, भतमारा दृष्णिमार्ग, मुलथोक, भलछोपुवा, खहरे , हलनचोक गौरीघाट, गाईघाट, अम्वट र साखा सडक भित्री मार्गहरु सहित बैदाम क्षेत्रमा रहेको एक देखी पचास नम्बरका सम्पूर्ण स्ट्रिट मार्ग लगायतका ठाउँहरुमा घरदैलो सम्पन्न गरिसकेको छ । । घरदैलो शुभारम्भ गर्नु अघि गठबन्धनले पोखरा–६ बैदाम मा पोखरा महानगरपालिकाका प्रमुख पदका उम्मेदबार धनराज आर्चाय र उपप्रमुख पदका उम्मेदबार कोपिला रानाभाट सहितको गठबन्धनका उम्मेदवार परिचय तथा चुनावी सभा सम्पन्न गरेको थियो भने, विभिन्न टोलमा कोणसभा समेत गरेको थियो ।
घरदैलोका क्रममा स्थानीयबासीबाट प्राप्त सुझाव तथा प्रतिक्रियाले आफू उत्साहित भएको वडाध्यक्ष पदका उम्मेदवार पहारीले बताउनुभयो । विगतमा आफू वडा अध्यक्ष पदमा निर्वाचित भएर काम गरेको अनुभवले फेरी पनि वडाध्यक्ष भएपछि आफूलाई काम गर्न अझ सहज हुने बताउँदै पहारीले वडा नं. ६ मा गठबन्धनले सहजै चुनाव जित्ने दाबी गर्नुभयो । घरदैलो कार्यक्रमको समापन गर्दै कार्यक्रममा गठबन्धनका तर्फबाट संयोजक एवं नेपाली काग्रेस इकाइ सभापति सन्तोष पौडेलले नेता, कार्यकर्ता र स्थानीयको उत्साहजनक उपस्थितिसहित घरदैलो सम्पन्न भएको भन्दै सबैलाई धन्यवाद दिनुभयो ।
न्यौपाने र नेपाल कम्युनिष्ट पाटि माओबादी केन्द्रका प्रदेश सदस्य अग्नि कडेलले ‘एमालेका अध्यक्ष केपी वलिले प्रजातान्त्र र संविधानलाई समाप्त पार्ने गरेको कामका विरुद्ध प्रजातन्त्र र संविधानको रक्षाको लागि गठबन्धनको गर्नु परेको औलाउदै गठबन्धनका उम्मेदवारलाई अत्याधिक मतसहित जिताउन टोलबासीलाई आग्रह गर्नुभयो’ । पोखरा–६ बैदाममा गठबन्धनका तर्फबाट वडाध्यक्षमा जगतबहादुर पहारी उम्मेदवार छन् । यसैगरी खुलासदस्यमा नेकपा(माओवादी केन्द्र)बाट कृष्ण प्रसाद आचार्य, खुल्ला सदस्यमा नेपाल कम्युनिष्ट पार्टी (एकिकृत समाजबादी)का तर्फबाट विकास पहारी र महिला सदस्यमा नेपाली काग्रेसका तर्फबाट पबित्रा थापा र दलित महिला सदस्यमा काग्रेसको तर्फबाट शोभा जलारी चुनावी मैदानमा रहेका छन् ।
प्रतिक्रिया लेख्नुहोस्:-