पोखराको बैदाममा गठबन्धनको घरदैलोसँगै मतदाता शिक्षा

पोखरा,२२ वैशाख ।

पाँचदलीय गठबन्धनले पोखराको पर्यटकीय क्षेत्र बैदाममा स्थानीय तह निर्वाचनका लागि चुनावी प्रचार अभियानकालाई तीव्रता दिएको छ । पोखरा–६ बैदाममा गठबन्धनका तर्फबाट वडाध्यक्षमा जगतबहादुर पहारी उम्मेदवार छन् ।

यसैगरी खुलासदस्यमा नेकपा(माओवादी केन्द्र)बाट कृष्ण प्रसाद आचार्य, खुल्ला सदस्यमा नेपाल कम्युनिष्ट पार्टी (एकिकृत समाजबादी)का तर्फबाट विकास पहारी र महिला सदस्यमा नेपाली काग्रेसका तर्फबाट पबित्रा थापा र दलित महिला सदस्यमा काग्रेसको तर्फबाट शोभा जलारी चुनावी मैदानमा रहेका छन् ।

गठबन्धनका उम्मेदवारहरुले बिहीबार पनि बैदामा क्षेत्रमा घरदैलो गरे । घरदैलोसँग उम्मेदवारहरुले मतदाता शिक्षालाई पनि सँगसँगै लगेका छन् । पाँच दलका तर्फबाट उम्मेदवार रहेको र सबैको चुनाव चिन्ह फरक रहेकाले मत बदर हुन नदिन उनीहरुले मतदातालाई भोट हाल्ने तरिका सिकाएका हुन् ।

वडाध्यक्षका उम्मेदवार पहारीले भने,“जनताको अुमल्य मत बदर भएर खेर नजाओस् भन्नेतर्फ सचेत छौँ । घरदैलो गरेर मत माग्दै गर्दा मतदातालाई मत कसरी दिने भनेर समेत सिकाएका छौँ ।”गठबन्धनले आफ्नो प्रतिवद्धता पत्र सहित घरदैलो गरिरहेको गिरिजा कोइराला टोल विकास संस्थाका अध्यक्ष रामजी(गुरुद्धत्त) कोइरालाले जानकारी दिए ।

बिहीबार गठबन्धनको चुनावी अभियानमा आमा समूह, युवा क्बल, टोल विकास संस्था लगायत संघ संस्थाबाट समेत उल्लेख्य सहभागिता थियो । वडाका गाइघाट, मुलथोक, भतमारा, अम्बोट, शान्तिचोकका भित्रि सडक क्षेत्रमा सांस्कृतिक कार्यक्रम सहित घरदैलो गरिएको थियो ।

वडाध्यक्षका उम्मेदवार पहारीले पर्यटकीय क्षेत्र बैदामको थप विकासका लागि महानगरको प्रमुख, उपप्रमुख र वडामा गठबन्धनले जित्नुपर्ने बताए । निर्वतमान वडाध्यमा सते रहेका पहारीले विकासका अधुरा योजनालाई पूर्णता र बैदामलाई देशकै पर्यटनको केन्द्र बनाउने अभियानमा साथ दिन वडावासी समक्ष आग्रह गरे ।