पोखरा, १५ वैशाख ।
सरकारले घोषणा गरेको वैशाख ३० गते हुने स्थानीय तहको निर्वाचन नजिकिंदै गर्दा यतिबेला पोखराका स्थानीय तहहरुमा चुनावी माहौल बढ्न थालेको छ । चुनावको मिती नजिकिएसँगै उम्मेद्वारहरु प्रचारप्रसार, घरदैलो र भेटघाट कार्यक्रममा व्यस्त हुन थालेका छन्।
यसैक्रममा चुनावी अभियानलाई अगाडि बढाउन नेकपा एमाले वडा नं –१५ ले पूर्ण बैठकको आयोजना गरेको छ। बैठकले विशेष गरी टोल कमिटिका संयोजकहरु लगायत सम्पूर्ण भातृसंगठनका संयोजकहरुलाई बोलाएर आगामी शनिबार अर्थात् बैशाख १७ गते बिहान बृहत ¥यालीको आयोजना गर्ने निर्णय गरेको छ ।
वडा नं –१५ को मूख्य सडकलाई लक्षित गर्दै ¥यालीमा बिभिन्न भातृसंगठनहरु युवा संघ, अखिल नेपाल महिला संघ, भूमिहीन, राष्ट्रिय भूमिहीन संघ लगायत टोल कमिटिहरुको सहभागिता रहने जनाइएको छ। ¥यालीमा झन्डै ४ सय देखि ५ सयसम्मको सहभागीता रहने अनुमान बैठकको छ। उम्मेद्वारहरुको टोली सहित ¥याली पार्टी कार्यालयबाट ठीक साढे सात बजे शुरु हुनेछ।
यस्तै बैठकले शुक्रबार बिहान ७ बजेबाट घरदैलो कार्यक्रमलाई पनि तिब्रताका अगाडि बढाउने निर्णय गरेको छ।
प्रतिक्रिया लेख्नुहोस्:-