पोखरा, १५ वैशाख ।
सञ्चारिका समुह नेपाल गण्डकी प्रदेशको अध्यक्षमा कविता श्रेष्ठ निर्वाचित भएका छनु । बुधबार पोखरामा सम्पन्न समुहको छैठौं अधिवेशनबाट सर्वसम्मत रुपमा श्रेष्ठको नेतृत्वमा नयाँ कार्यसमिती चयन गरिएको हो ।
प्रेस काउन्सिलका सदस्य तथा सञ्चारिका समुह कास्कीका संस्थापक अध्यक्ष दुर्गा भण्डारी,नेपाल वार एशोसियसनका केन्द्रिय सदस्य विनिता नेपाली लगाएत निर्वाचन मण्डलले घोषणा गरेको समुहको उपाध्यक्षमा कञ्चन थापा कोइराला , महासचिवमा अनिशा श्रेष्ठ चयन भएका छन् भने कोषाध्यक्षमा उमा आले मगर र सचिवमा कविता घर्तीमगर निर्वाचित भएका छन् ।
त्यसैगरी सदस्यहरुमा शोभा नेपाल, जुना थापा, अनिता घिमिरे , दिपा पौडेल, बिनिता सुनार, सोनु राना , सुशिला अधिकारी , अनिषा नेपाली, देवी जिसी ( म्याग्दी) निर्विरोध निर्वाचित भएका छन् । त्यस्तै पदेन सदस्यमा कला राना (स्याङजा), संझना रसाइली (तनहुँ), बसन्ता भट्ट (लमजुङ) र बिष्णु गौतम (पर्वत) निर्वाचित भएका छन् ।
अधिवेशनको औपचारिक कार्यक्रमको उद्घाटन सत्रमा बोल्दै प्रमुख अतिथि उच्च अदालत पोखराका न्यायाधिश श्रीधरा पुडासैनीले सञ्चारिका समुहलाई महिलाका सवालमा सशक्त भएर कलम चलाउन आग्रह गर्दै अधिवेशनको सफलताको शुभकामना व्यक्त गर्र्नु भएको थियो ।
त्यस्तै कार्यक्रममा प्रेस काउन्सील नेपालका सदस्य दुर्गा भण्डारी, नेपाल बारका केन्द्रिय सदस्य विनिता नेपाली, नेपाल पत्रकार महासघं केन्द्रिय सदस्य सरिता तिमिल्सिना, नेपाल पत्रकार महासघं कास्कीका अध्यक्ष विमला भण्डारी, सञ्चारीका समुह गण्डकीका पूर्व अध्यक्ष सुष्मा पौडेल, नी वर्तमान अध्यक्ष जमुना वर्षा शर्मा, कोपिला नेपालका कार्यकारी निर्देशक बिना शिलवाल, सिद्धार्थ क्लबका अध्यक्ष, प्रेस चौतारी गण्डकी प्रदेशका अध्यक्ष इन्द्र पौडेल लगायतले कोभिडको विषम परिस्थितिमा संचारिका समुहले खेलेको भूमिकाको चर्चा गर्दै महिला पत्रकारहरुको क्षमता र दक्षता अधिवृद्धि गर्नका लागि थप रचनात्मक कार्यक्रमहरु गर्न सुझब दिए ।
समुहका अध्यक्ष स्मिता अधिकारीको अध्यक्षतामा भएको कार्यक्रमको संंचालन कविता श्रेष्ठले गरेका थियो भने कोषाध्यक्ष उमा आले मगरले प्रस्तुत गरेको कोषको आर्थिक प्रतिवेदन बहुमतले पारित गरेको थियो ।
सञ्चारिका समुह महिला पत्रकारहरुको क्षमता र दक्षता अभिवृद्धिका साथै महिलाका मुद्धाहरुलाई वकालत गर्दै आएको क्रियशिल महिला पत्रकारहरुको संगठन हो ।
प्रतिक्रिया लेख्नुहोस्:-