काठमाण्डौं, १८ चैत्त ।
राष्ट्रिय पेट्रोलियम व्यवसाय संस्थागत समन्वय समितिले पेट्रोलियम पदार्थको ढुवानी बन्द गरेको छ। शुक्रबारदेखि देशभर पेट्रोलियम पदार्थको ढुवानी (लोड अनलोड) बन्द गरेको हो ।
नेपाल पेट्रोलियम ढुवानी व्यवसायी महासंघका महासचिव विश्व अर्यालले भने ‘निगमले माग सम्बोधन नगर्दा डिलरहरुले खरिद गर्ने सबै इन्धनको ढुवानी रोकिएको हो। आज भारतीय र नेपालका डिपोहरुबाट इन्धन ढुवानी भएको छैन,’ उनले भने, ‘आयल निगमले चासो नदेखाएपछि इन्धन आपूर्ति नै बन्द गर्नु पर्ने अवस्था आएको हो।’
एक महिनादेखि माग सम्बोधन गर्न व्यवसायीहरुले विभिन्न कार्यक्रमहरु गर्दै आएका थिए। तर निगमबाट हालसम्म कुनै पनि जानकारी आएको छैन। यसले गर्दा शुक्रबारबाट फेरि पेट्रोलियम पर्दाथको ढुवानी बिक्री सबै बन्द गर्न थालिएको छ।
अब चैत २० गतेबाट पेट्रोलियम पदार्थ सबैको बिक्री वितरण बन्द गर्ने महासंघले जनाएको छ।
प्रतिक्रिया लेख्नुहोस्:-