काठमाडौं, ०७ फागुन ।
७२औं राष्ट्रिय प्रजातन्त्र दिवसको अवसरमा काठमाडौंको टुँडिखेलस्थित सैनिक मञ्चमा आज (शनिबार) विशेष कार्यक्रमको आयोजना गरेर मनाइँएको छ । जनता रैतीबाट नागरिक भएको घोषणा गरिएको दिनको रुपमा हरेक वर्ष फागुन ७ गते सो दिवस मनाउने गरिन्छ ।
समारोहमा राष्ट्रपति विद्या देवी भण्डारी, उपराष्ट्रपति नन्दबहादुर पुन, प्रधानमन्त्री शेरबहादुर देउवा, कामु प्रधानन्यायाधीश दीपककुमार कार्की, प्रतिनिधिसभाका सभामुख अग्निप्रसाद सापकोटा, मन्त्रीगण, नेपाल सरकारका उच्च पदस्थ कर्मचारी सहितको उपस्थिति रहेकोछ ।
समारोहमा नेपाली सेनाले २०७८ व्यानर अंकित २ वटा हेलिकप्टरबाट पुष्पवृष्टि गराएको थियो भने मैदानमा शान्तिको प्रतिकको रुपमा परेवा समेत उडाइएको छ ।
सो कार्यक्रममा नेपाली सेना, नेपाल प्रहरी, सशस्त्र प्रहरीबाट मार्च पास समेत गराइएको छ । राष्ट्रप्रेमले भरिएको राष्ट्रिय धुन पनि सो अवसरमा प्रस्तुत गरिएकोछ ।
प्रतिक्रिया लेख्नुहोस्:-