थप ४ हजार ९ सय ४ जनामा कोरोना संक्रमण, ६ जनाको मृत्यु

पोखरा, १५ माघ ।

देशभर पछिल्लो २४ घण्टामा ४ हजार ९ सय ४ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार १४ हजार ५६२ जनाको कोरोना परीक्षण गर्दा पीसीआर विधिबाट ३ हजार ३१८ र एन्टिजेन विधिबाट १ हजार ५८६ जना गरि ४ हजार ९०४ जनामा कोरोना संक्रमण पुष्टि भएको हो ।

शनिबार ५ हजार ९२४ जना संक्रमणमुक्त भएका छन् । त्यस्तै, गत २४ घण्टामा कोरोनाबाट ६ जनाको मृत्यु भएको छ । हाल सक्रिय संक्रमितको संख्या ८७ हजार ३२९ रहेको छ ।