पोखरा, १४ माघ ।
नेपालमा ६ हजार ८ सय २७ संक्रमित थपिँदा ५ हजार ४ सय ३२ जना निको भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ भण्टामा १९ हजार ८ सय ६९ जनाको परीक्षण गर्दा उक्त संख्यामा संक्रमण पुष्टि भएको हो ।
मन्त्रालयका अनुसार ४८०७ पिसिआर परीक्षणबाट र २०२० एन्टिजेन परीक्षणबाट संक्रमण पुष्टि भएको हो। शुक्रबार थप ५४३२ जना कोरोना संक्रमित निको भएका छन्।
यस्तै सोही अवधिमा १० जना कोरोना संक्रमितले ज्यान गुमाएका छन्। हाल देशभर ८९ हजार ९४१ जना कोरोनाका सक्रिय संक्रमित छन्। पछिल्लो २४ घन्टामा काठमाडौं उपत्यकामा २ हजार ९ सय ४० जना संक्रमित थपिएका छन्।
काठमाडौंमा २१५३, भक्तपुरमा २६८ र ललितपुरमा ५१९ संक्रमित थपिएका छन्। यस्तै काठमाडौं उपत्यकामा ५४ हजार ३५ सक्रिय संक्रमित छन्। जसमध्ये काठमाडौंमा ३८०२२, ललितपुरमा १०३१९ र भक्तपुरमा ५६९४ सक्रिय संक्रमित छन्।
प्रतिक्रिया लेख्नुहोस्:-